’n Klein sedan met groot ambisie
In ’n mark waar kompakte sedans sukkel om kop bo water te hou teen die gewildheid van klein SUV’s, hou die Honda Amaze ‘n goeie plek. Met drie modelle in die plaaslike reeks, naamlik die Trend 5-spoed handrat, Comfort 5-spoed handrat, en Comfort CVT—posisioneer Honda die Amaze as ’n praktiese en betroubare opsie vir kopers wat waarde vir geld en Japannese ingenieurswese soek.
Prys en waarborg
Die Amaze-reeks begin met ’n mededingende prys vir die Trend handratmodel, terwyl die Comfort-variante effens hoër geprys is. Al die modelle word gedek deur ’n vyf-jaar / 200 000 km waarborg, wat gerusstelling bied vir dié wat ’n langtermyn-belegging oorweeg. Hierdie waarborg oortref sommige mededingers in die segment, en bevestig Honda se vertroue in hul model se betroubaarheid.
Binne-ruimte en gerief
Een van die grootste trekpleisters van die Amaze is sy ruim binnekant. Soortgelyk is die Amaze een van die voorlopers as dit kom by kattebak spasie, met ‘n ruime 416L; genoeg om vier volwassenes se week-lange bagasie in te laai. Die bagasieruimte is indrukwekkend vir ’n sedan van hierdie grootte, wat dit ideaal maak vir gesinne of as ’n stadsmotor wat steeds die weeklikse inkopies kan hanteer.
Die Comfort-modelle voeg ekstra toerusting soos verbeterde sitplekbekleedsel, elektrisiteit vir meer funksies, en ’n meer verfynde klankstelsel by.
Veiligheid
Op die veiligheidsfront bied die Amaze standaard dubbele lugsakke, ABS-remme en ISOFIX-punte. Alhoewel dit nie die mees gevorderde pakket in die segment is nie, dek dit die basiese behoeftes. Vir ’n voertuig in hierdie prysklas is dit aanvaarbaar, maar dit is duidelik dat Honda meer klem geplaas het op ruimte en gemak as op gevorderde bestuurshulpmiddels.
Ry-ervaring: Handrat vs. CVT
Honda is gewoonlik baie goed met hul CVT ratkaste, soos byvoorbeeld met die nuwe Fit model, waar die CVT seepglad verander en geensins hoog ref nie. Die CVT in die Amaze speel egter ‘n ander deuntjie en is vining om ‘n geraas te maak; sonder enige verandering in spoed.
Dit is om hierdie rede dat ons eerder die 5-spoed handrat Comfort model sal aanskaf, bloot omdat dit meer beheer aan die bestuurder gee en sagter op die oor is. Bygesê, voel die eerste twee ratte geweldig stram, in vergelyking met ander mededingers in die mark.
Brandstofverbruik
Hier lê die Amaze se grootste uitdaging: met ’n gemiddeld van om en by 6.6 l/100 km vir die handrat en effens meer vir die CVT, is dit beslis nie onredelik nie, maar dit val kort teenoor die Suzuki Dzire, wat maklik nader aan 4.9 l/100 km behaal. Vir kopers wat elke liter tel, kan die Dzire dus ’n meer ekonomiese opsie wees, veral siende dat die Dzire se tenk ook 2L grootter is en tot 800km kan aflê, in vergelyking met die Amaze se 600km.
Slotgedagtes
Die Honda Amaze bied ’n balans tussen ruimte, betroubaarheid en eenvoud. Die Trend handrat is die intreevlak-keuse wat alles bied wat jy nodig het, terwyl die Comfort handrat waarskynlik die “sweet spot” is—meer toerusting sonder die CVT se traagheid. Die Comfort CVT sal wel aanklank vind by diegene wat maksimum gemak in die stad soek (teen stadige spoed).
Maar as jy jou aankoop baseer op brandstofdoeltreffendheid en pure ryplesier, is die Suzuki Dzire steeds ’n moeilike teenstander om te ignoreer. Vir ruim binnespasie en ’n gerusstellende waarborg, is die Amaze egter moeilik om te klop.
Modelle & Pryse
Honda Suid-Afrika lys die volgende:
- Trend 5-spoed handrat – R254 900
- Comfort 5-spoed handrat – R274 900
- Comfort CVT – R294 900
Waarborg & Ondersteuning
Elke model word gedek deur ’n 5-jaar / 200 000 km waarborg en ’n 4-jaar / 60 000 km diensplan. Hierdie sterk langtermyn-ondersteuning onderskryf Honda se vertroue in sy eie kwaliteit.