Namibia's content-driven motoring portal
Toyota se Verso, die superstasiewa in die Corolla-reeks, het so pas ‘n nuwe baadjie aangetrek, en ook ‘n paar ander dinge wat nie so opsigtelik is nie. Stasiewaens het hier by ons hulle gewildheid lankal verloor; die enkeles wat nog op die mark beskikbaar is, is eerder gekamoefleerde Duitse blitssedans wat regtig nie pakplek het nie.
Die nuwe Toyota Verso-reeks het nou ‘n nuweling wat van ry nou lekker-ry maak. Hierdie lekker-ry is te danke aan die nuwe palwisselratkas wat nou in die reeks beskikbaar is. Maar wat is hierdie palwisselratkas? Die CVT, of op Engels, continuously variable transmission, is in wese ‘n outomatiese kas waar die enjinspoed konstant bly op die punt waar hy die meeste wringkrag vrystel en beste verrigting teen die laagste brandstofverbruik lewer.