Namibia's content-driven motoring portal
Dit was die legendariese Peugeot 203 wat in die vyftigerjare aan hierdie vervaardiger ‘n reputasie as ‘n kanniedood en geharde voertuig vir Afrika-omstandighede gevestig het. Hierdie reputasie was hoofsaaklik te danke aan twee Franse, monsieurs Mercier en Se Cortanze, wat in 1951 met ‘n 203 stasiewa ‘n nuwe rekord geslaan het deur die afstand van Kaapstad na Parys in 17 dae en 9 uur af te lê.
Daar is nie werklik ‘n Peugeot 208×2 nie; die “x2” dui maar net op die twee Peugeot 208-modelle wat ons getoets het. Die bakwerk is presies dieselfde maar onder die een Leeutjie se enjinkap is daar die moderne 3-silinder, 1 199 cc enjin; onder die ander een is daar die groter 4-silinder 1 598 cc eenheid.
Peugeot is nie ‘n vervaardiger wat elke jaar met ‘n nuwe model te voorskyn kom nie, al verander hulle die vookoms van hulle leeu-embleem elke paar jaar. As die nuwe model dus wel sy verskyning maak, is dit die moeite werd om ernstig notisie te neem van die geleentheid.