Namibia's content-driven motoring portal
Die “ge-tune” is apokrief en kom uit die jare sewentig in die Kalahari waar Engels min gehoor word en Afrikaans sy eie en mooi uitdrukkings het. Soos die leerling wat vir my ‘n opstel geskryf het waarin sy gesê het dat die man “skroutaaier” om die draai gekom het!
Dit is vanjaar sestig jaar wat koningin Elizabeth ll as Britse vorstin regeer en ons het al heelwat oor hierdie mylpaal te hore en te siene gekry; vanaf BBC televisie tot stories in Die Huisgenoot met foto’s oor hierdie merkwaardige vrou en natuurlik ook die troonopvolgers met hulle huwelike, hoogtepunte en laagtepunte.
Wederhelf vertel toe onlangs aan ‘n vriendin dat ons (ook) ‘n Land Rover het. Toe ons op ‘n dag by hulle aankom, was hulle opmerklik onthuts omdat hulle ‘n Defender besit en ons nie ‘n “regtige” Land Rover besit nie!
In die Klein-Karoo het ons destyds net Fords en Chevs geken. Maar hier rondom 1957 het ’n vindingryke ondernemer op Uniondale, ene mnr. Keller, ’n groot, nuwe, diamantvormige kenteken van gebakte emalje in swart, wit en rooi op sy voormalige fabriek se muur aangebring. In die middel van die diamant het ’n naam gepryk waarvan ons nog nooit gehoor het nie: BORGWARD.