Namibia's content-driven motoring portal
Die “ge-tune” is apokrief en kom uit die jare sewentig in die Kalahari waar Engels min gehoor word en Afrikaans sy eie en mooi uitdrukkings het. Soos die leerling wat vir my ‘n opstel geskryf het waarin sy gesê het dat die man “skroutaaier” om die draai gekom het!
Alles verander, elke dag. Oor dekades heen word die verandering soms dramaties en amper onherkenbaar, dit woel en werskaf en niks bly dieselfde nie. Wat wel behoue gebly het is simbole en handelsmerke waarmee ‘n mens groot geword het en goed vertroud geraak het.
Peugeot het wyslik besluit om die 508-reeks in te voer. Daar is hoeveel Suid-Afrikaners wat lang en ver reise in hulle 504s oor die lengte en breedte van ons land onderneem het en net goeie herinneringe oorhou.
Peugeot van Suid-Afrika het vergeet om ons te nooi na die bekendstelling van hulle jongste model in Suid-Afrika. Maar dis nie die ergste nie; sover het ek nog nie van hulle gehoor dat hulle vir die kanniedood Peugeot 404 vanjaar ‘n 50-jarige partytjie gaan geen nie. Hierdie model, wat in 1960 bekendgestel is, het in Suid-Afrika (en Oos-Afrika) baie diep spore getrap.