Namibia's content-driven motoring portal
Pam Brink was van 1950 tot ongeveer 1954 ‘n jong predikant op Lüderitz voordat hy ‘n beroep in Arusha, Tanganjika, aan die ander kant van Afrika aangeneem het. Maar dit was op Lüderitz wat die predikant, by wyse van spreke, tot “bekering” gekom het. Dit was nou toe hy Peugeot ontdek het!
Citroën is ‘n ander soort motor en dit is nou sestig jaar sedert die “anderste”, vaartbelynde haai-op-wiele die aandag wêreldwyd getrek het, en nog steeds fassineer.
Die nuwe BRIC handelsooreenkoms, wat onder andere Brasilië, Indië en nou ook Suid-Afrika insluit, kry praktiese neerslag in die vervaardiging van die nuwe Chevrolet Ute wat nou onlangs by ons op die mark sy opwagting gemaak het.
BMW het so pas ‘n persvrystelling uitgereik oor die vyftigjarige herdenking van die bekendstelling van die (Morris) Mini en Austin 7 aan die wêreldpers in Augustus 1959 in Brittanje. Hierdie klein minimotor met sy mini-afmetings buite maar met ‘n ruim binnekant, het die wêreld soos ‘n storm getref en die destydse vervaardiger, BMC, of te wel British Motor Company, kon nie voorbly met die produksie van die klein kalant nie.