Namibia's content-driven motoring portal
Alles van luikrugmodelle tot supermotors!
Daar is nie baie dinge wat ek voor bang is nie, maar die lys het so pas gegroei. Net agter Tequila, kameras langs die pad, spinnekoppe wat groter is as my skoen, en enige gebou wat “tandarts” sê, kom nou ook die Subaru Impreza WRX.
Drie maande moes ek wag voordat ek my beurt in Nissan se nuwe 370Z gekry het; en sy opgewonde aanhangers het nie gejok nie. Dit is ‘n fantastiese sportmotor, en hy’t sopas nog ‘n aanhanger gekry!
“Het jy lus om ‘n Subaru te toets?” vra ons senior joernalis by die weeklikse vergadering. Wees nou eerlik, wat sou u antwoord gewees het? Ek het ook so gedink; en minute later was ek agter die stuurwiel van die nuutse Subaru Forester, ‘n 2.5 XT model.
Die eerste hardekap-afslaandak motors was nie dié van die Duitsers van tien of vyftien jaar gelede nie, maar wel dié van Peugeot reeds in die 1930’s. Hoekom almal so lank gewag het om hierdie briljante konsep terug te bring, weet ek nie.
Dit voel soos nou-die-dag wat ek as student van die Strand af na Stellenbosch toe geryloop het en my eerste saamrygeleentheid in ‘n splinternuweToyota Stout bakkie gekry het. Wat vir my interessant was omdat die eerste volgrootte Japannese bakkie was waarin ek gery het. Wat opgeval het was die lae ratverhouding van die bakke wat nie baie vinnig kon loop nie maar wat soos ‘n stoomlokomotief teen Louw-se-Bos uit getrek het.
Renault se nuutste televisie reklames vertel ons dat mense al vir jare hul betroubare Franse motors vir avontuur en vier-by-vier doeleindes gebruik het, wat die nuwe vier-wiel aangedrewe Renault nogal ‘n belangrike voertuig maak.
Die oupagrootjie van elke sportnutsvoertuig (of vier-by-vier) is die Amerikaanse Willys GP (“General Purpose”) wat in die Tweede Wêreldoorlog sy verskyning gemaak het. Hierdie basiese maar veelsydige vierwielaangedrewe voertuig het na die oorlog vinnig bewys dat hy ook harde werk of vermaak vir Jan Alleman kan bied.
My kollega Chris het ‘n jaar of twee gelede ‘n Chinese bakkie onder hande gehad en was baie beïndruk met die oorvloed van moderne “luukses” en ekstras wat by die prys ingesluit was. Nou was dit my beurt om my eerste Chinees te ervaar.
As ‘n mens van veilige gesinsmotors praat sal dit nie lank vat voordat iemand die handelsmerk Volvo noem nie. Dié vervaardiger geniet ‘n trotse geskiedenis propvol motors wat goeie kwaliteit met veiligheid en verrigting gekombineer het.
Dit het al weer gebeur. Vir ‘n tweede keer kon ek nie ‘n toetsvoertuig van BMW vir sewe dae met een tenk brandstof toets nie. Hierdie keer was dit nie die skuld van die motor se brandstofverbruik nie (gemiddeld 9 l/100km), maar egter my onweerstaanbare lus om effens doelloos net met dié spog-sportmotor rond te ry.