Namibia's content-driven motoring portal
Alles van luikrugmodelle tot supermotors!
Dit voel soos nou-die-dag wat die Hyundai handelsmerk op die plaaslike toneel verskyn het met sy Accent en Elantra modelle. Van Windhoek tot Witbank het die Koreaanse vervaardiger kopers gelok wat waarskynlik éérs na die prys en dan daarna na die motor self gekyk het.Met die wegtrekslag het die verkope die hoogte ingeskiet en het die uitstekende diens wat die handelaars verskaf het, bygedra tot die suksesstorie.
Dit is ‘n gegewe feit dat Namibiers (en Suid-Afrikaners) oor die algemeen nou maar eenmaal gebore agternalopers is, maar darem in die figuurlike sin van die woord. Dit kan gesien word oor die breë spektrum van haas elke aspek van hulle algemene lewenspatroon hetsy sy voorkeur kos, kuns, kleredrag, sport en, dan natuurlik, sy rygoed.
Toyota sal sekerlik die vergelyking verskoon as mens sou sê dat die eerste kennismaking met die veeldoelige Innova (MPV) jou laat dink aan die seuntjie wat op sy eerste dag skool toe gaan in ‘n broek, baadjie en skoene wat ooglopend te groot vir hom is.
Die Chevrolet naam is besig om weer goed gevestig te raak in Suid-Afrika en die wêreld en het bygedra om GM weer eie grootste vervaardiger in die wêreld vir die eerste ses maande van 2011 te maak.
Daar kon beswaarlik onlangs op ‘n beter roete vir ‘n toetsrit met die nuwe Honda Ballade besluit word as die R62 wat mens deur die Klein Karoo vat. Die hoofpad is soos gewoonlik in ‘n goeie toestand en so ook van die grondpaaie waar die Ballade werklik uitstekend op ‘n onlangse toetsrit presteer en hanteer het.
Wederhelf vertel toe onlangs aan ‘n vriendin dat ons (ook) ‘n Land Rover het. Toe ons op ‘n dag by hulle aankom, was hulle opmerklik onthuts omdat hulle ‘n Defender besit en ons nie ‘n “regtige” Land Rover besit nie!
Soos die geval met Volkswagen se Touareg het Nissan ook sy Qashqai na ‘n nomadiese stam vernoem met die verskil dat eersgenoemde na ‘n Saharagroep verwys terwyl Nissan se Qashqai (uitgespreek “Kashkai”) na ‘n nomadiese stam in die suidweste van Iran verwys.
General Motors is seker een van die vervaardigers wat die vinnigste herstel het en nou groei toon na ‘n moeilike tyd tydens die Amerikaanse ekonomiese krisis ‘n jaar of twee gelede. En die een wat die wa deur die drif getrek het was waarskynlik Chevrolet. En by uitstek die Oosterse aanlegte van die wêreldvervaardiger.
Die huidige Daihatsu Terios is reeds vanaf 2006 op die Namibiese en Suid-Afrikaanse mark en is gevestig as ‘n betroubare en gewilde Sportnutsvoertuig. Die nuwe langbakweergawe is beskikbaar in beide 4×4 en 4×2 weergawes, laasgenoemde met sinvolle agterwiel- aandrywing.
Van ons ouer lesers sal nog Peugeot se Super Seven stasiewa onthou wat destyds deur Samcor gemaak is, dieselfde maatskappy wat ook Mazda en Ford produkte in Gauteng gebou het. Uit dieselfde, aanvanklike stal, en op dieselfde lees geskoei, kom die Mazda 5 wat ook ‘n sewesitplekvoertuig is.