Namibia's content-driven motoring portal
Hier vind U die nuutste motors en ons verslae oor hulle.
Tussen al die slegte nuus en dinge wat ons elke dag hoor en ervaar kom daar die goeie nuus dat dieselpryse heelwat gaan sak; ook dat Hyundai vir ons ‘n klein vreugdetjie so kort voor Kersfees gebring het. Dit is nou die 1,7 liter turbodiesel ix35 wat heelwat goedkoper is as die groter 2-liter wat tot nou toe die septer geswaai het in hierdie gewilde reeks sport-nutsvoertuie.
Twee jaar na dit bekend geword het dat die ou bekende handelsmerk, Datsun, weer op die mark gaan wees, is die Datsun GO nou te koop. Die ouer garde sal die gewilde Datsun modelle van die sewentiger en tagtiger jare onthou soos die 1600 SSS en die 120Y toe hulle die topverkopers in die land was.
Sou die volgende beskrywing van luukse kenmerke van ‘n voertuig aan ‘n voornemende koper voorgehou word om die tipe voertuig te identifiseer, sou die raaiskoot waarskynlik na een of ander luukse Duitse-fabrikaat passasiersmotor verwys.
Nissan het vroeër vanjaar die derde generasie X-Trail in Suid-Afrika aan die media bekend gestel. Dit volg op die sukses van die Qashqai en hy lyk baie meer na hierdie kleiner boetie as die hoekige vorm van die vorige X-Trail. Van voor is die indentiteit van die handelsmerk baie duidelik sigbaar.
Toe die eerste vinnige Suzuki motorfietse hulle merk op die wêreldkaart gemaak het, was ek amper klaar met skool. In 1973 het ek die eerste J10 Suzuki Jeep in Angola gesien, en kort nadat die bosoorlog begin het, het ‘n paar ondernemende dienspligtiges in 1975 ‘n paar van die linkerhandstuurmodelle as “oorlogsbuit” terug gebring.
Hyundai het onlangs sy nuweling, die Hyundai Grand i10, by die indrukwekkende Waterkloof wynkelder en restaurant, wat op ‘n heuwel soos ‘n glaskasteel oor die Hottentots-Holland vallei en Valsbaai troon, bekend gestel. Die naam Grand i10 vir hierdie nuweling in die Hyundai stal kan misleidend vir die oningeligte wees omdat dit maklik gesien kan word as ‘n opgegradeerde variant van die bestaande i10 model.
Met die onlangse bekendstelling deur Mercedes-Benz Suid-Afrika (MBSA) van sy nuwe C-klas modelle, wat plaaslik gebou word, het Mercedes se ingenieurs weereens bewys dat hulle nie skroom om bestaande grense te toets en die doelpale te verskuif nie.
‘n Ander opskrif vir die artikel miskien ‘n Noord-Kaapse sêding gewees het; “tussen die tjoep en die taaier.” Daar is net-net plek vir die paslaken tussen die twee bestaande modelle en dit is meer ‘n saak van die verskil in pryse as in grootte wat die nuwe aankomeling so welkom maak op ons mark.
Peugeot is besig om sy sake in Suid-Afrika reg te ruk met die bekendstelling van die splinternuwe 2008 op die plaaslike mark; ‘n mark waar die kompakte “kruismodelle” (crossovers) vinnig aan die groei is en die kompetisie besonder taai is.
Toe die eerste Sandero ‘n paar jaar gelede op die mark gekom het dit gou heelwat aanhangers tot gevolg gehad – die prys was reg, voldoende krag (tog effe flou) en spasie, maar nie so lig op brandstof soos sommige van sy mededingers nie. Nou het Renault die Sandero heeltemal verfris met ‘n nuwe voorkoms en ‘n nuwe enjin – ‘n klein 900cc turbo.